港產漫畫巨星九龍公園現身

【明報專訊】靠打揚名嘅《龍虎門》主角王小虎殺入九龍公園，連創作佢嘅漫畫家黃玉郎，同商務及經濟發展局長蘇錦樑都嚟「打埋一份」？

老夫子麥兜都有份

查實係呢條全長約100米嘅香港漫畫星光大道噚日正式開幕，黃玉郎同蘇錦樑負責揭幕。除咗王小虎，呢條大道仲有老夫子、牛仔同埋麥兜等24個雕塑，粒粒都係本土出品嘅漫畫巨星，仲有10個漫畫家銅手印。


想知多啲有關資料就可以去http://www.comicavenue.hk睇吓，或者用智能手機download「香港漫畫星光大道」個app，咁就可以邊行邊睇！