民行董文標 獲劍橋授榮譽院士

【明報專訊】內地民營企業家的學歷真係愈來愈高，民生銀行（1988）作為九大上市中資行唯一的民企銀行，尋日係自己的官方微博喜滋滋咁講，「熱烈祝賀中國民生銀行董事長董文標當選劍橋商學院榮譽院士！」

內地企業家 細個時未必有書讀

因為歷史環境原因，內地唔少民營企業家細個時未必有得好好讀書。唔少人因家境困苦，中學畢業就創業。好在生意做大之後，有時間又有錢，可以出去補補堂。


不過民行董文標就一直都係高材生，佢原本已經係經濟學碩士，但唔夠喔，宜家一攞就攞個院士，仲係全球知名嘅劍橋大學添！