新聞類別
財經
詳情#
【明報專訊】《葉問前傳》嘅製片人冼國林喺佛山起影城，前幾日小琴上去參觀，先知原來冼師傅同「千億新抱」徐子淇嘅老爸徐傳順非常老友！冼師傅話佢打算喺影城內起個百樂門大舞廳，重現昔日嘅「夜上海」情調，點知一講畀徐老爸知，佢就即刻話下年建好後要去百樂門度擺生日酒！
小琴由九龍塘搭直通巴士去佛山個片場都要3個半鐘，如果唔喺好老友，徐老爸又點會肯千里迢迢過嚟咁畀面？
4000萬打造足金黃大仙像
不過之前冼師傅要喺影城內起個黃大仙祠，身為金至尊珠寶副主席嘅徐老爸都好撐佢，豪擲4000萬，鑲造咗個超過50公斤、全球最重嘅足金黃大仙聖像，擺喺廟內畀善信參拜。聽講佢哋仲為神像申請緊入健力士世界紀錄
回應 (0)
