胡志偉龐一鳴單車會友

【明報專訊】民主黨立法會議員胡志偉踩單車返立法會，引起環保人士龐一鳴回應，話好想知道胡係真環保定係做姿態，所以約胡周三早上去踩車，推動單車文化。


胡志偉就話，一向贊同兼佩服龐一鳴嘅環保生活模式，好高興以車會友，但周三立法會開會，兼且早上路面多車，所以建議周日（14日）晏晝2點，一齊九東單車遊，仲提出從志蓮淨苑出發，踩約一個半鐘去到鯉魚門。不過，呢一次輪到龐話逢禮拜日要去種田，要諗諗先。