見到趙樓神 要改口叫趙博士

【明報專訊】長江實業（0001）執行董事趙國雄，多年來帶領公司賣樓成績斐然，售出單位數目往往冠絕同行，加上賣樓手法變化多端，不少時候更是粉墨登場，以古今不同角色幫手賣樓。


趙國雄便曾經扮演過楚留香、阿拉伯酋長，以至占士邦和醫生，甚至奪寶奇兵的鍾博士……，可以說開拓了賣樓新文化，因而被業界稱為「趙樓神」！

獲浸大頒授榮譽博士

不過，往後大家見到趙樓神，可以改口叫佢做趙博士喇。皆因佢將會獲浸會大學頒授榮譽社會科學博士學位，並會在下月中在浸大作演講，題目為「有樓得天下？」雖然小琴現在仍未知趙博士演講內容，但單睇個演講題目，相信必定反應熱烈，喺香港，有樓與冇樓，在累積財富和擁有的社會地位，往往大有分別，到時小琴同趙生嘅一班粉絲，必定會去捧場。