慢必明哥出席「茹芸飯局」

【明報專訊】當選後「出櫃」嘅人民力量「慢必」陳志全（右一），上任議員後積極參與香港同志運動，上周五開完立法會財委會後，更急急腳飛去台北，出席當地嘅大規模同志遊行。唔少網友睇到慢必上載facebook嘅相，都慨嘆香港幾時先可以開放到台灣咁，連非同志都上街撐同志。


話明同志遊行，點少得同樣以同志身分為傲、又積極上街嘅「良心藝人」黃耀明（右二）呢？明哥當日起步前唱咗首本名曲《春光乍洩》，慢必就代表香港發言。娛樂圈出身嘅慢必亦把握機會，同明哥及香港人好熟悉嘅台灣女歌手許茹芸 （左二）食飯，仲話呢個係茹芸飯局。