長春社日曆教你綠活宜忌

【明報專訊】傳統嘅通勝日曆，每頁都會印上「宜」或「忌」，畀吓指引，至於信不信就由你。長春社同幾個設計師合作推出「綠活日誌CareLender2013」，用傳統掛牆撕頁日曆嘅設計概念，提供每日一個綠活「宜」「忌」貼士，鼓勵市民將綠色行動融入日常生活。


「綠活日誌CareLender2013」係以傳統撕頁日曆形式設計嘅綠色生活小百科，以環保物料製造，本地社企人手釘裝。長春社話，每頁內容到封面設計都係百分百本地創作，內容提供365個有關衣、食、住、行、身、心嘅環保資訊。例如去年3月11日，日本福島發生核災難，綠活日誌喺2013年3月11日嘅撕頁日曆，就會紀念兩年前嘅事件，上面印有「宜﹕向核事故受害人送上關懷；忌﹕抱僥倖的心態，以為看不到的危險就是安全。」有興趣訂購者可瀏覽長春社網頁。


（http://cahk.org.hk/carelender2013.htm）