江若琳Baby大個女

【明報專訊】近年，藝人的整容傳聞再不是新聞，事關無論事主有整還是無整，都千篇一律自稱無整。樣貌突破變異？好簡單，因為變瘦、因為運動、因為長大後「收水」……藉口層出不窮。


其實整容風氣愈來愈盛行，承認了也沒有什麼問題，Freeze算是始祖。台灣黑澀會一班美眉近日重聚，眼利的徐熙娣（小S）一看就看得出大牙、玉兔，甚至已成人妻的米恩都「動過手腳」。不過，大牙承認打透明質酸令鼻子變高，但後來已無再注射，回復自然；玉兔與米恩都表現得落落大方，皆因大家都知道外貌是騙不到人，與其經常被追問，倒不如直接承認，反正女人愛美不是罪，大姐大跟大家回顧否認整容的妙趣答案。


作病篇

林峯：我有鼻敏感 唔知係咪又嚴重咗，而且我有感冒未好番。


「超扯」度★★★★

傅穎：細個我有鼻敏感，成日捽鼻，所以留咗一道痕，可能今日個妝溶咗啲，有啲甩甩地，所以先有咁嘅情况，我幾歲開始已經係咁。


「超扯」度★★★

連詩雅：我呢幾日肚屙，瘦咗三四磅，本身個人瘦加上病，去晒水腫，睇落咪好似塊面尖咗囉！

「超扯」度★★

變瘦篇

黃婉曼：下巴咁尖，可以係瘦面療程或搵人推拿。


「超扯」度★★★

李蘊：自己入行八九年，經歷可能令心態有轉變，我不排除樣子也會改變，不過是自然轉變，不是後期加工。


「超扯」度★★

無厘頭篇

Mia：換咗相機，整容醫生就係我部相機。


「超扯」度★★★★

成長篇

Angelababy：我嘴唇一向都厚，之前有哨牙，箍完牙就正常。曾經講我割唇，太恐怖，我不會做，同埋以前細個唔識著衫同化妝，搞到個樣好娘，相信大家只是錯覺。


「超扯」度★★★

吳雨霏：你拎我15歲張相同家比，一定有啲唔同嘅。家瘦咗好多，嗰時成身baby fat，超黑兼腳粗，家要增肥。


「超扯」度★★

江若琳：之前有矯正哨牙，同埋我雙眼都貼有雙眼皮膠紙，戴咗大眼仔隱形眼鏡，咁樣對眼就會有神一點。


「超扯」度★★★★

化妝篇

謝安琪：整容講咗好多次，我要多謝化妝師，無論化妝同身形各樣嘢都好咗，畀人感覺靚咗，其實係好多嘢嘅配合。


「超扯」度★★

楊怡：我覺得整容沒有所謂，最重要的是大家覺得我是否漂亮了，個鼻高咗係進步，我指係化妝技巧進步。


「超扯」度★★★★

■台灣用語「超扯」即離譜之意