新聞類別
財經
詳情#
【明報專訊】最近台資企業康師傅（0322）陷入身分危機，無隙隙畀內地啲市民話佢有日資背景，應該算係日本企業，仲呼籲大家要抵制日貨，抵制康師傅，而且事件仲愈鬧愈大，結果竟然驚動到國台辦要幫佢「驗明正身」。
前兩日嚮國台辦例行記者會，有行家詢問康師傅身分問題，國台辦發言人可能估到會有人咁問，亦都做足功課，回答話康師傅係台資品牌，而所屬公司作為響香港上市企業，所以一直有多方面資金參股。連政府部門都開到聲，相信可以為事件蓋棺定論。
康師傅：係統一散佈謠言
不過好戲或者其實響後頭，因為國台辦未幫康師傅澄清之前，康師傅曾表示，話散佈佢係日資企業幕後黑手，正正係競爭對手統一中國(0220)，暗示對方想利用呢段時間內地反日情緒，去打擊康師傅產品銷量。康師傅仲話已經蒐集證據，會準備採取法律行動；不過統一方面否認指控。
事件孰真孰假尚未可知，不過小琴覺得，雖然商場如戰場，但利用愛國情緒去打擊競爭對手真係唔冇咁好，希望事件可以藉今次國台辦澄清而告一段落啦。
email:piano@mingpao.com
回應 (0)
