渣馬10公里賽閃電滿額

【明報專訊】一年一度渣打馬拉松明年2月24日又嚟啦，大會今年特別安排喺公布比賽詳情一段時間之後，喺呢個星期三（31日）起接受最受歡迎嘅10公里賽報名。


Emily同一班行家諗住響應健康生活，報名參加，點知噚日中午一上渣馬網站，發現除咗挑戰組賽事，其餘已經爆滿，Emily今年無緣參加，唯有提醒自己下年醒少少，晨早起牀上網報名。


香港業餘田徑總會噚日宣布，渣馬2013公開報名以來，反應踴躍，除輪椅賽事，其他賽事組別嘅網上同埋郵遞報名名額全部爆滿，所有賽事噚日截止報名。


籌委會：反應較往年更踴躍

渣馬籌委會主席高威林話，要多謝各界人士支持，今年報名嘅反應較往年更為踴躍，所有賽事組別喺公開報名幾日之內全部額滿，其中10公里賽事嘅報名情况最為熾熱。大會仲提醒所有參賽者，未來4個月要持之以恆，為賽事作準備，以最fit狀態參賽。