社民連不敵貴租

【明報專訊】樓價狂升，唔單只搞到港人上唔到車，就連政黨亦深受其害。向來以「窮」見稱嘅社民連，由於現任業主加租4000元，嚟緊年尾要再搬竇，短短3年內已搬咗兩次屋。


加租4000 搬返老巢荔枝角

社民連兩年前由荔枝角搬去家嘅大角嘴工廈，近排租約期滿，業主由呎租10元加到13元，即係由月租1.3萬升到1.7萬，佢哋迫於無奈要搵地方搬，最終要搬返老巢荔枝角。


同人唔同命，民建聯同民主黨嘅都係自置物業，自由黨位於九龍灣嘅會址係由榮譽主席田北俊以象徵式價錢租出，唔使經歷社民連遇到嘅麻煩事。


社民連副主席吳文遠話，以佢哋黨嘅財政，根本冇可能上到車，未來只能見步行步，最煩係要將佢哋以前製作嘅大型示威道具搬來搬去。