張華峯預言：辣招半年失效

【明報專訊】政府早前推出兩項對付炒樓辣招，包括抽15％買家印花稅，打擊內地客入市意欲。雖然措施生效後樓市交投相對淡靜，但金融服務界議員張華峯就預言，「雙辣招」生效半年後將會失效喎，仲話若政府再推新招嘅話，將會過咗香港作為自由市場嘅底線，商界肯定群起反對咁講。


話再推新招會踩過界

精通投資嘅張華峯分析，喺人民幣不斷升值之下，家內地客係抱住八折買樓嘅心態來港入市，佢預期未來人仔仲有上升趨勢，內地客甚至可以用七折價錢買港樓，相信喺呢個因素下，買家印花稅對內地買家唔會有好大影響。佢仲話，政府若再出招，將會影響香港嘅自由市場；要根本解決樓價高問題，要增加土地供應先得。


全國人大代表同政協委員就快換屆，張華峯估計，雖然人大常委范徐麗泰成日批評政府，但相信佢都唔會因而落馬咁講。