人體空中藝術 800人宣保育

【明報專訊】呢排沙灘及海洋保育好受關注，香港青年協會同海洋拯救聯盟首次合作，噚日同埋14間中小學嘅學生，喺淺水灣沙灘設計出以身體拼湊圖案嘅「人體空中藝術」（Human Aerial Art）。


喺上空俯視淺水灣，可以見到近800學生拼湊出嘅中華白海豚的輪廓，以及「protect（保護）」和「海洋」字樣，面積成800平方米。學生又向上空嘅直升機揮手，呼籲大家珍惜海洋生物。


青協話，呢幅中華白海豚圖樣係「兒童海洋周」海洋繪畫比賽得獎作品，由9歲學生梁文軒繪畫。過往世界各地都有人以多人合組嘅「人體空中藝術」宣揚環保意識，香港就係首個亞洲地區引入。


（盧翊銘攝）