遇襲後一月 詹培忠靚仔咗？

【明報專訊】前立法會議員詹培忠11月下旬喺金鐘街頭畀兩個大漢拉出車毆打，搞到左頰紅腫送院，事隔一個月，佢已經容光煥發咁現身立法會，Emily問佢被人打得傷唔傷、警察查成點，佢就話警察仲做緊嘢，唔方便多講。不過，講到佢嘅容貌，佢就侃侃而談，仲反問Emily覺唔覺得佢靚仔咗？


其實早喺今年10月，接替佢做金融服務界議員嘅張華峯已經爆料，話詹培忠好似去咗哈薩克做一啲類似幹細胞方面嘅美容療程。詹培忠噚日就故作神秘，話唔講去咗邊度「變靚啲」，費事幫人做宣傳，但佢默認唔喺香港美容，又踩香港同埋內地嘅服務唔及人喎。關於詹培忠遇襲案，警方今月中拘捕咗3名男子，佢哋其後獲准保釋，下月中向警方報到。