新聞類別
港聞
詳情#
【明報專訊】聖誕節又就嚟到喇！Emily公司每年都收到各方友好送嚟大大小小嘅果籃、朱古力，令公司上下都感受到聖誕暖意。但講到今年最特別嘅，莫過於民建聯立法會議員葛珮帆（EQ）嘅厚禮。EQ今年別出心裁，特別送咗一個全部都係青協有機農莊出產嘅「菜籃」過嚟，雖然一籃蔬菜同聖誕氣氛好似唔係太夾，但「健康有營」呢份心思都要讚一讚。
Emily噚日望過吓個菜籃，又真係幾包羅萬有，芹菜、菜心、紅菜頭、芥蘭……，仲加埋一包小小嘅曲奇餅，所有農產品都係由青協喺元朗嘅有機農莊出產，相當支持本地產業。喺呢度，除咗多謝EQ，亦都提吓各界友好，有心已經足夠，下次可以環保啲，唔使咁破費喇！
留言 (0)
