梁耀忠忽然失聲

【明報專訊】近日天氣反覆，唔止長者小童易病，前兩日發展事務委員會流會就「爆出」唔少立法會議員中招，葉太同克勤仔都因病遲到，鄉議局主席發叔就感冒入院，噚日輪到街工梁耀忠。


噚日立法會大會，本來阿忠抽到一條口頭質詢，向勞工及福利局長張建宗問有關勞工保險嘅問題，但阿忠忽然失聲，企起身噏咗幾隻字就講唔到落去，要由旁邊嘅張國柱代問。


Emily事後問阿忠，佢都係蚊螆咁細聲講嘢，佢話朝早都無事，亦無其他唔舒服，但就無端端失聲，不過佢好乖，噚日一直留喺立法會到所有議案差唔多完晒先走。各位議員要保重身體呀！