梁家傑跳「聖誕Style」

【明報專訊】今日聖誕節，相信唔少人都收到朋友喺網上、手提電話傳嚟嘅電子賀卡，形象嚴肅嘅公民黨黨魁梁家傑噚日就喺facebook上載咗一條動畫，將佢自己個頭key落聖誕公仔度，長約1分鐘嘅短片中，背景音樂不斷播住聖誕歌，「傑哥」就手舞足蹈咁跳舞，好似跳Gangnam Style咁交叉手，十分搞笑。


自由黨向傳媒發放嘅電子聖誕卡簡單得多，喺一堆開得好燦爛嘅聖誕花上，寫上祝大家有個溫馨愉快嘅聖誕佳節字句，下款就包括5個立法會議員同其他黨領導層。


自由黨設計簡約

而本身係眼科醫生嘅港區人大代表林順潮，聖誕卡就係佢同成班眼科診所同事嘅合照，相中有成30人咁多，可見佢嘅醫療團隊幾咁大。