涉打人「梁粉」丟飯碗

【明報專訊】日前有支持特首梁振英嘅男子（圖A灰衣戴眼鏡者、資料圖片）涉嫌打記者被捕，原來呢個男子係Moiselle太子爺陳柏熹公司嘅員工，前晚陳柏熹出席君悅除夕Ball時，承認被捕者係佢公司一名司機，「我唔知佢係被炒或辭職，我只收到通知，佢今天（前日）last day」。


原任職司機 太子爺﹕不知炒或辭

陳柏熹話，從別人口中了解事件起因，「司機話記者訪問時不時求證現場人士有否收錢遊行，佢覺得對方並非訪問真正支持特首嘅人」。佢強調，司機離職同政治立場無關，「該名司機係全職，喺我公司工作不久。（司機打人不對？）係比較衝動，我父母都知道呢件事」。