袁國強呻老婆難搵

【明報專訊】律政司長袁國強（Rimsky）係今屆政府咁多位司局長之中，罕有依然未有另一半嘅鑽石王老五。不過，Rimsky就話，其實佢自己都唔想咁，早前佢喺接受律師會刊物訪問時，仲透露咗少少對感情事嘅睇法。


原來喺雙非釋法問題上立場堅定既Rimsky，喺感情事上面就係「身不由己」，佢話並唔係自己想單身，但就覺得搵老婆好難，難度仲大過佢打官司咁話。


唔認同法律界難搵另一半

Emily成日都話，男女真係唔平等，睇吓今年已經48歲嘅Rimsky都仲keep得咁好就知，如果Emily到咗48歲都仲keep得咁好就真係發達囉。雖然有好多人都話，喺法律界呢個圈子入面工作，係好難可以搵到另一半，就好似袁司長咁日理萬機，下星期一又要外訪澳門一日。


不過，原來Rimsky好唔認同喺法律界圈子工作會搵唔到另一半，咁講法，袁司長係咪暗示其實已經有女朋友呢？無論如何，Emily都祝福司長快啲結束王老五生涯，成家立室。