一哥變四萬

【明報專訊】Emily噚日在中環採訪之後，路過大會堂低座見有書畫展，諗住入去感受文化氣質，點知突然感到一陣「皇氣」殺到，原來係「一哥」警務處長曾偉雄到場，為呢個書畫展剪綵。Emily細心一睇，原來現場係警察書畫學會嘅30周年作品展，難怪一哥同民政事務局副局長許曉暉到場主禮啦。


剪綵儀式後，書畫展正式開始，Emily見到一哥參觀一班手足及其家人嘅作品。但見一哥行到一幅書法前笑到見眼牙唔見眼，仲好開心咁討論咗一輪。Emily事後八卦所知，原來一哥嗰時正係睇梗佢太太劉綺華嘅作品，原來現職家庭主婦嘅「一嫂」有書法作品參展，一哥梗係要捧場啦。睇番場刊，見到一嫂近年有書畫參展，仲為其書齋名命「趣意廔」