施政報告廣告被惡搞

【明報專訊】下個禮拜三特首梁振英（CY）就要公布佢首份施政報告，政府近日推出宣傳片，提醒市民下周邊度可以攞份施政報告嚟睇，點知呢個30秒嘅廣告大受網民關注，因為短片中嘅香港市民，都係無得見廬山真面目，全部畀人用表情符號掩面，有人O嘴、有人方嘴，網民諗極唔明呢個做法係想表達乜嘢意思。


有人就一於好少理，因利成便將廣告惡搞，變成支持《南方周末》，Emily估CY點都諗唔到會有咁樣嘅結果。


製作有關廣告嘅政府新聞處中人話，廣告最重要能吸引人注意，至少家大家對呢段片有印象吖，最終係正面定負面反應呢，佢哋控制唔到。


■想睇片可以去呢度：http://webcast.info.gov.hk