新聞類別
副刊
詳情#
【明報專訊】今期主角﹕巴打「獨食男」是IT仔，家住紅磡，尖沙嘴返工，日日風雨不改坐8號小巴。生活就是返工收工打機上網，獨來獨往兼獨食，在唔食豆腐火腩飯或 Indomie的日子，就在尖嘴紅磡一帶覓食。飯當然「獨食」，但食評就一定要跟「高登」巴打分享。
〔獨食推介I〕 一人一格 食麵唔見面
是咁的，今日放工後忽然好想食拉麵，有巴打提過尖沙嘴活方商場有間自動販賣機的拉麵店，夠晒獨，正！馬上去試。
㩒機買麵 店員只見手
去到門口，見到一部好似汽水機的販賣機，操作好容易，先揀拉麵或小吃，用紙幣或硬幣付款，跟住有張食券。坐低後，將枱上的「煮法紙」填好，自己揀拉麵粗幼度、湯的濃度、要不要葱蒜等，按服務鈴，面前紅布後的店員就會伸出手來收取「煮法紙」和食券，全程我無見過對方一眼。
最正的是，座位好似自修室的一人一格，在自己個位盡情吃熱辣辣的拉麵，即使食到滿頭大汗都唔怕尷尬，夠晒private！睇唔到店員個樣，仲多fantasy，我心諗，紅布背後係唔係一個好似吉澤明步的女店員呢……好夢正酣，店員已經把拉麵遞給我了。
老闆葉先生認為日本販賣機過癮，於是引入，又加入一人一格的拉麵店概念，開業幾個月吸引不少巴打幫襯。如果巴打們和女神一齊來都無問題，因間隔可以輕易打開，這樣巴打就可以和女神分享同一張枱了。
4歲和牛骨熬湯 味更濃
我叫了和牛神，即牛骨湯底拉麵。老闆多年前到鄰近京都的鳥取縣旅遊，得到中國籍廚師朋友教路，今次開店就用上那位師傅的拉麵食譜。牛骨湯以澳洲和牛脊骨、筒骨加上日本魚乾、蘿蔔等蔬菜熬上12小時，老闆更特別揀4歲和牛的牛骨，因一般和牛3歲左右被屠宰，長至4歲的和牛味道更濃郁。麵條亦找工場訂製，有兩款直身幼麵，分別為2mm和3mm，前者適合配牛骨湯底，較粗身的後者則宜配較膠口濃稠的豬骨湯底。想食新奇口味的巴打，可揀青神或黑神，叉燒分別換上有機菠菜蓉和墨魚。整體來說食物不錯，不過更吸引的是一人一間隔的設計。24個座位列成兩個U字形，部分座位位於餐廳最內側，前面面壁後面無人，可謂終極「獨位」。
倉吉拉麵
地址：尖沙嘴彌敦道36至44號
重慶大廈活方地庫8號舖
查詢：2723 0393
註：只收現金
〔獨食推介II〕 「篤」「嘟」點車仔麵 毋須多講
上次食拉麵埋單要成百元，未必個個巴打負擔得起，今次試食的麵店MINMIX 1950，平均消費50蚊，「喱民」得多。
明天起供應拉麵喇沙
跟倉吉好似，MINMIX 1950一樣好多面壁位，一排向牆座位當然是我們巴打的「飛佛」，最正是座位前設touch screen屏幕，篤吓篤吓就點到菜。點菜後，只可用八達通埋單，八達通一嘟，電腦單就會傳到廚房去，轉頭阿姐就擺低一碗車仔麵，全程不用講多句，獨的程度拍得住倉吉。
麵店屬太興旗下，食物於中央工場製作後運到店內。車仔麵豐儉由人，有溏心蛋魚蛋豬紅魷魚蘿蔔，想奢侈點連花膠仔澳洲鮑魚安格斯牛都有得食。不過麵店明天（1月17日）開始轉menu，不再供應花膠仔澳洲鮑魚安格斯牛，但會有更多款麵，如日式豬骨湯拉麵、台灣牛肉麵、雞扒麵、蝦湯底喇沙等，保持平均消費在50蚊左右，下次可以再試。
MINMIX 1950
地址：紅磡黃埔美食坊一樓116號舖
查詢：2303 0122
註：只接受八達通付款
文﹕張艾渟
圖：陳淑安、受訪者提供
編輯 沈可媛
〔獨食推介I〕 一人一格 食麵唔見面
是咁的，今日放工後忽然好想食拉麵，有巴打提過尖沙嘴活方商場有間自動販賣機的拉麵店，夠晒獨，正！馬上去試。
㩒機買麵 店員只見手
去到門口，見到一部好似汽水機的販賣機，操作好容易，先揀拉麵或小吃，用紙幣或硬幣付款，跟住有張食券。坐低後，將枱上的「煮法紙」填好，自己揀拉麵粗幼度、湯的濃度、要不要葱蒜等，按服務鈴，面前紅布後的店員就會伸出手來收取「煮法紙」和食券，全程我無見過對方一眼。
最正的是，座位好似自修室的一人一格，在自己個位盡情吃熱辣辣的拉麵，即使食到滿頭大汗都唔怕尷尬，夠晒private！睇唔到店員個樣，仲多fantasy，我心諗，紅布背後係唔係一個好似吉澤明步的女店員呢……好夢正酣，店員已經把拉麵遞給我了。
老闆葉先生認為日本販賣機過癮，於是引入，又加入一人一格的拉麵店概念，開業幾個月吸引不少巴打幫襯。如果巴打們和女神一齊來都無問題，因間隔可以輕易打開，這樣巴打就可以和女神分享同一張枱了。
4歲和牛骨熬湯 味更濃
我叫了和牛神，即牛骨湯底拉麵。老闆多年前到鄰近京都的鳥取縣旅遊，得到中國籍廚師朋友教路，今次開店就用上那位師傅的拉麵食譜。牛骨湯以澳洲和牛脊骨、筒骨加上日本魚乾、蘿蔔等蔬菜熬上12小時，老闆更特別揀4歲和牛的牛骨，因一般和牛3歲左右被屠宰，長至4歲的和牛味道更濃郁。麵條亦找工場訂製，有兩款直身幼麵，分別為2mm和3mm，前者適合配牛骨湯底，較粗身的後者則宜配較膠口濃稠的豬骨湯底。想食新奇口味的巴打，可揀青神或黑神，叉燒分別換上有機菠菜蓉和墨魚。整體來說食物不錯，不過更吸引的是一人一間隔的設計。24個座位列成兩個U字形，部分座位位於餐廳最內側，前面面壁後面無人，可謂終極「獨位」。
倉吉拉麵
地址：尖沙嘴彌敦道36至44號
重慶大廈活方地庫8號舖
查詢：2723 0393
註：只收現金
〔獨食推介II〕 「篤」「嘟」點車仔麵 毋須多講
上次食拉麵埋單要成百元，未必個個巴打負擔得起，今次試食的麵店MINMIX 1950，平均消費50蚊，「喱民」得多。
明天起供應拉麵喇沙
跟倉吉好似，MINMIX 1950一樣好多面壁位，一排向牆座位當然是我們巴打的「飛佛」，最正是座位前設touch screen屏幕，篤吓篤吓就點到菜。點菜後，只可用八達通埋單，八達通一嘟，電腦單就會傳到廚房去，轉頭阿姐就擺低一碗車仔麵，全程不用講多句，獨的程度拍得住倉吉。
麵店屬太興旗下，食物於中央工場製作後運到店內。車仔麵豐儉由人，有溏心蛋魚蛋豬紅魷魚蘿蔔，想奢侈點連花膠仔澳洲鮑魚安格斯牛都有得食。不過麵店明天（1月17日）開始轉menu，不再供應花膠仔澳洲鮑魚安格斯牛，但會有更多款麵，如日式豬骨湯拉麵、台灣牛肉麵、雞扒麵、蝦湯底喇沙等，保持平均消費在50蚊左右，下次可以再試。
MINMIX 1950
地址：紅磡黃埔美食坊一樓116號舖
查詢：2303 0122
註：只接受八達通付款
文﹕張艾渟
圖：陳淑安、受訪者提供
編輯 沈可媛
留言 (0)
