梁振英割雙眼皮？

【明報專訊】特首梁振英噚日朝早喺電台「烽煙」節目末段，回應要求佢落台嘅聲音時話，會同社會人士實事求是討論「事實問題」，社會認為佢有乜做得唔好、或說話與事實不符，都會為大家逐一解答。CY仲主動講乜嘢至算係「事實問題」，例如佢係咪割雙眼皮等，不過，由於有人打斷佢嘅回應，最後佢都無答到自己係咪割雙眼皮。其實，CY宣布參選特首後，好多行家都有問佢係咪割雙眼皮，不過當時CY就無答。


Emily睇番CY好多年前嘅相，當時CY係疑似單眼皮。皮膚科專科醫生史泰祖就話，隨着年齡增長，由單眼皮變成雙眼皮唔算罕見，但就無明顯原因，Emily唯有疑中留情，希望CY將來開誠布公，解答大家疑問啦！