新聞類別
港聞
詳情#
【明報專訊】特首梁振英噚日去立法會出席答問大會，個別議員一如以往抗議，但招數新鮮，噚日社民連梁國雄喺梁振英行入會議廳時，已經高叫「穩中行騙、大話精下台」等口號「歡迎」CY，又不時喺自己個位口噏噏鬧梁振英，最終畀立法會主席曾鈺成趕走。點知長毛離開之後無耐，議會內再聽到唐英年嘅「你呃人」錄音！
唔知啲聲邊度嚟 議員向上望
話說獨立議員吳亮星發問時，長毛已經按捺不住，喺個位大叫「拍馬屁」，後來更突然衝出去，一路大叫「你唔好講大話」，仲將成本《施政報告》掟去梁振英前面，呢個舉動當然畀主席趕走啦。長毛出去之後無耐，會議廳內突然聽到唐英年喺特首選舉論壇鬧梁振英嘅「你乜嘢都講大話、你呃人」嘅聲帶。明明長毛都走咗，唔知啲聲音喺邊度出嚟，有議員向上望，一度以為係公眾席發出
留言 (0)
