民研解畫:亞視無綫收視非「四六開」

【明報專訊】之前亞視託港大民意研究計劃做調查，證明佢哋唔係「零收視」，而係同無綫嘅收視「四六開」，呢個講法惹起好大爭議。負責調查嘅港大民研研究經理李偉健喺《傳媒透視》撰文解釋，當日佢哋訪問觀眾，係問過去一個禮拜曾經睇過無綫、亞視嘅觀眾比率；喺2012年嘅情况，答話有睇過亞視嘅有48％至52％，但有睇過無綫嘅比率，並非100％減去48％至52％咁簡單，而係多達87至91％人，並非「四六開」。


李偉健話，出現呢個誤會，係亞視可能刻意淡化部分觀眾同時睇兩台，混淆「相對收看人數」同「絕對收看人數」嘅分別。「四六開」的確有問題，但李偉健話，外界指亞視「零收視」、即連一個觀眾都無，亦不準確，係一種浮誇嘅說法。