施政報告低分高醫生唔開心

【明報專訊】食物及衛生局長高永文噚日喺商台節目《在晴朗的一天出發》，講到《施政報告》有關於醫療方面嘅大計，點知主持人李慧玲一開咪就問佢，對於市民畀CY第一份施政報告嘅評分不及上屆有咩感想，高醫生承認唔開心。不過，高醫生話，市民有咁嘅反應唔出奇，因為新一屆政府面對挑戰較多，社會氣氛不太好，爭拗亦比較極端。


另外，近日各局長頻頻亮相解釋施政報告，但有時都出現誤會，好似商務及經濟發展局長蘇錦樑，前日被記者問到會唔會限制旅客人數，他就話不排除任何措施，令人質疑佢係咪考慮要收緊旅客人數。


蘇錦樑話唔係減旅客量

搞出咁大誤會，蘇錦樑噚日急急澄清，一早一晚打上論政節目，包括now嘅《時事全方位》同商台《左右大局》解釋，話會持開放態度評估本港旅遊設施承受能力，唔係要從減旅客人數着手咁話。