新聞類別
港聞
詳情#
【明報專訊】卿姐手指指告示一出，邊個敢唔聽話？民主黨總幹事林卓廷話總部早前舉行活動，邀請黨員就黨嘅運作畀意見，當中有人話恒利大廈嘅民主黨總部，啲人開完會、做完嘢成日唔記得熄燈同關冷氣，於是黨內設計師用咗黨主席劉慧卿手指指相片整成告示，貼喺會議室熄掣旁，希望提醒大家。
點知呢個告示喺社交網站facebook亮相後，成為反民主黨人惡搞嘅對象，例如將下面嘅句子改為「入完中聯辦之後，請緊記扮成好憤怒」等，仲有一啲係不文字句，總之呢幅圖噚日喺網上紅爆。
喺立法會開會嘅卿姐唔係好知事態發展，問番記者點解呢幅圖咁多人關注，又話佢開會一向會叫最後走嘅人熄燈㗎啦，問記者有乜嘢咁好笑呢？
（網上圖片）
點知呢個告示喺社交網站facebook亮相後，成為反民主黨人惡搞嘅對象，例如將下面嘅句子改為「入完中聯辦之後，請緊記扮成好憤怒」等，仲有一啲係不文字句，總之呢幅圖噚日喺網上紅爆。
喺立法會開會嘅卿姐唔係好知事態發展，問番記者點解呢幅圖咁多人關注，又話佢開會一向會叫最後走嘅人熄燈㗎啦，問記者有乜嘢咁好笑呢？
（網上圖片）
留言 (0)
