熟客陳淑莊：行完大丸來吃糉

【明報專訊】前立法會議員陳淑莊（圖）是利苑粥麵熟客，她自小在港島居住，與家人常在銅鑼灣逛街，「有時行完大丸（百貨公司），就過嚟食糉，我好鍾意呢度嘅裹蒸糉」。陳淑莊笑言自己與利苑一同成長，「間店1971年開，我就1971年出世，我對呢度好有感情」。她說：「以前屋企無冷氣，我好珍惜每次響呢度食嘢歎冷氣。」


同樣1971年「出世」

這間老牌粥麵店亦吸引半山居民幫襯，住渣甸山的食客譚先生已幫襯10多年，他特別鍾情豬膶粥：「粥煮得好綿，豬膶好新鮮，時間剛剛好。」他慨嘆現時香港物業租金太高，趕絕不少商戶，對利苑結業十分失望，但無奈這是大勢所趨，「有自己舖就好啲，租舖就好難做了」。


記者昨日所見，不少顧客操普通話，部分亦帶同行李，相信是內地遊客。老臣子郭先生透露，該店沒有宣傳，但相信有旅遊網站推介該店，令不少內地遊客懂得來，「我哋以前好多東南亞客，住怡東酒店，成日嚟食，近年就多咗好多內地客，但口味都差唔多，最鍾意都係雲吞麵同豬潤粥」。