港人始終最愛去日本

【明報專訊】當你以為通脹勁、經濟唔好，香港人就要慳錢唔去旅行，結果有調查話你聽，你呢個諗法係錯嘅！根據調查，今年香港人預計平均每人花費46,000蚊喺外遊消費上，最想去嘅目的地仍然係日本！

料今年人均花4.6萬元

Travelzoo於去年12月1日至今年1月22日期間，訪問咗近3000個Travelzoo亞太區內嘅訂閱用戶，六成以上嘅香港訂閱用戶預計2013年嘅旅遊消費會比去年高；另外，接近四成香港用戶仍然首選日本為最理想嘅旅遊目的地，似乎大家唔係好受地震、輻射危機等嘅影響，加上最近日圓匯價疲弱，相信會進一步刺激香港人去日本旅遊嘅意欲。澳洲同馬爾代夫今年亦人氣急升，分別排行第二及第三，其次為韓國、英國及台灣。


智能電話係唔少港人必備之物，調查顯示，超過八成香港訂閱用戶喺旅途中曾使用智能電話，主要用嚟搵路、搵餐廳、發放短訊分享旅程片段等，係區內使用率最高嘅。