余若薇長駐維園年宵

【明報專訊】書法出名靚嘅公民黨主席余若薇（Audrey）雖然已無做立法會議員，但近期同直選議員一樣，繼續喺各區擺街站為市民寫揮春，今年亦會長駐維園年宵，掛住Audrey風采嘅話，不妨去維園碰碰運氣。


Audrey話近日幾乎一日走3場，擺親街站都吸引大條人龍，好彩自己練得多，即使寫足7個鐘都唔覺攰。佢又話今年市民嘅「要求」層出不窮，有人要佢寫「司法獨立」同「振英下台」，「自由萬歲」同「民主香港」亦唔少，相信唔多唔少都反映市民憂慮嘅嘢喎。


賣誠實豆沙包繞線器

另外，公民黨今年亦都設計咗唔少應節精品，好似兩款分別係衫鈕同豆沙包形象嘅「耳筒繞線器」，象徵「人人有『樓』」同「誠實豆沙包」，又有「袋袋平安」iPad套及「人人落力踩CY」拖鞋。該黨籌款委員會主席毛孟靜就話，雖然佢哋年年「盈利」都唔多，但從未蝕過，希望今年同大家齊齊賺多啲，但Emily都好想知有幾多人新年會走去買鞋！