青年關愛 2米「牆」反法輪功

【明報專訊】法輪功與反法輪功嘅兩幫人士喺街邊鬥掛橫額，相信唔少巿民都有留意，有網民噚日就上載相片，話銅鑼灣崇光百貨（SOGO）附近行人路，有人掛起香港青年關愛協會嘅反法輪功巨型橫額，2米高嘅橫額遮擋咗背後嘅法輪功展板，令條街好似多咗幅牆。


Emily問香港青年關愛協會副會長林國安，佢話橫額唔係噚日先至掛，佢哋間中都會有新增同換走殘破橫額，但就唔肯透露喺全港掛咗幾多幅。至於橫額成2米高，係咪用嚟遮住法輪功展板、會唔會構成阻街，林國安就話唔方便答，但就話如果係違例，食環署都會捉咗佢哋。