方國珊示威 CY快閃

【明報專訊】特首梁振英噚日為港交所喺將軍澳工業邨嘅新數據中心揭幕，係佢第一次出席港交所嘅活動，但遇上西貢區議員方國珊帶住大班示威者就將軍澳堆填區問題「恭迎」，CY心情都唔慌好。


Emily現場所見，CY喺揭幕儀式上簡短發言，再同嘉賓祝酒後，急急腳上咗架AM七人車喺後門走咗，連數據中心個門口都冇入。其他官員包括財經事務及庫務局長陳家強、財經事務及庫務局常任秘書長區璟智等，就喺導遊帶領下參觀。Emily問陳家強點解CY冇一齊參觀，佢笑笑口冇回應。Emily轉話題問佢會唔會考慮推動港交所搞奶粉期貨？佢就好爽快咁講咗句「Good idea（好主意）」後就走咗。