東華獲贈千隻雞基層過年加餸

【明報專訊】好快就係農曆新年，中國人傳統都鍾意食雞過年，不過喺通脹壓力下，唔係所有基層都捨得使錢買新鮮雞過節。有見及此，帝王雞（品牌）國際有限公司，準備1000隻粵皇雞送畀東華三院社區飯堂善膳軒，等佢哋年廿五開始嘅一年時間內，都有新鮮雞煮幾味，畀基層朋友享受口福咁話。


負責人徐小姐話，知道新鮮活雞唔便宜，而佢哋係香港公司，都想幫基層，今次係第一次送雞畀非牟利組織，令飯堂嘅使用者可以加餸，唔駛望雞興嘆。