CY孖鍾逸傑挖地種樹

【明報專訊】特首梁振英噚日喺網誌刊文，今次唔係講樓市或奶粉，而係講種樹論環保。佢話，兩年多前同10多位關心香港鄉郊保育人士，包括前布政司鍾逸傑爵士等，成立「香港鄉郊基金」，基金嘅標誌係一棵橡樹同橡樹果實，樹上有雀鳥，展現與自然共融多元生態。


大狀贈種子寓意保育

CY話，基金成立不久，其中一位委員白理桃（Ruy Barretto）資深大律師送佢幾粒橡樹種子，經過悉心催芽，培育成幼苗，其後轉送鍾逸傑栽種。當年嘅小幼苗已經成為茁壯幼樹，CY同鍾逸傑爵士、白理桃，禮拜日夾手夾腳攞住鐵鏟掘窿，將呢棵小橡樹移種到粉嶺別墅，期望幼樹可以紮根成長。


藉植樹大講環保

今屆政府想推垃圾徵費諮詢，又提出玻璃樽徵費，CY就藉此推銷環保理念，呼籲大家要有承擔、有分工、有合作，將環保同保育工作一代一代薪火相傳。