遊馬爾代夫 湯家驊大讚靚絕

【明報專訊】立法會議員由年頭忙到年尾，除咗暑假，唔少議員都會趁農曆新年放番個長假，公民黨湯家驊（Ronny）啱啱就同家人去咗馬爾代夫，Emily問佢對該地有乜評語，佢只係不停高呼「好靚、好靚，真係好靚！」

海底影生物 即上載fb

向來熱中水上活動嘅Ronny話，以前都去過蘇梅島潛水，但都遠遠唔及馬爾代夫靚，話呢個係佢去過最靚嘅海灘，有如世外桃源。佢仲玩埋夜潛，喺海底影低鰻魚、龍蝦、海星同寄居蟹等生物，全數上載晒facebook，速度之快拍得住時下嘅年輕人。Ronny上年啱啱娶新抱，今次首次一家四口出門旅行，難怪別具意義啦。