新聞類別
港聞
詳情#
【明報專訊】民主黨喺太子嘅黨總部雖然有成2000幾呎，但愈來愈唔夠用，所以佢哋早幾年前已話要換大屋，但當時無實行。事隔幾年，民主黨又話準備換新會址，仲成立籌款委員會，由已卸任議員嘅李華明做主席，目標係籌1000萬，重頭戲就係10月嘅黨慶晚宴。
李華明話，佢哋計劃將現有會址賣咗套現，再加一筆錢去買大啲，希望可以買到4000呎地方。佢哋估計，現有會址可以賣1600至1800萬元，要再買大啲單位，可能要補千幾萬，所以籌款目標要1000萬。到時若果籌唔足，可能要供樓，唔可以一次過買斷。
唔少政黨嘅會址都喺港島，但民主黨無意離開太子一帶，因為方便唔同地區嘅黨友。佢哋10月嘅晚宴，初步定喺尖沙嘴The ONE商場舉行；記得佢哋2010年舉行晚宴，當時仲係行會成員嘅梁振英、全國政協劉夢熊都有出席同捐錢，唔知家喺咁多是非之下，佢哋仲會唔會支持民主黨呢？
李華明話，佢哋計劃將現有會址賣咗套現，再加一筆錢去買大啲，希望可以買到4000呎地方。佢哋估計，現有會址可以賣1600至1800萬元，要再買大啲單位，可能要補千幾萬，所以籌款目標要1000萬。到時若果籌唔足，可能要供樓，唔可以一次過買斷。
唔少政黨嘅會址都喺港島，但民主黨無意離開太子一帶，因為方便唔同地區嘅黨友。佢哋10月嘅晚宴，初步定喺尖沙嘴The ONE商場舉行；記得佢哋2010年舉行晚宴，當時仲係行會成員嘅梁振英、全國政協劉夢熊都有出席同捐錢，唔知家喺咁多是非之下，佢哋仲會唔會支持民主黨呢？
留言 (0)
