教協職員識破假證

【明報專訊】教協出名買嘢平，唔少教師上起家庭電器、下至文具食品都喺教協入貨。教協低過市價嘅價錢，令唔少非會員羡慕不已，早前教協就發現有水貨客喺度大掃年貨，令唔少會員都得個桔。教協副會長張文光透露，最近更有人製作假會員證魚目混珠，去教協買嘢。


教協物廉 人人吼住

張文話，最近有職員發現，有人將教協證彩色影印過膠，製作假證，冒認係會員到教協購物，好彩職員機警發現，目前已喺教協貼晒海報，話再發現假證必會報官處理，希望起到阻嚇作用。


至於會唔會考慮要求會員購物時雙重認證，例如出示教師證明，張文就話未諗掂，因為教協一直歡迎會員家屬購物，擔心引入雙重認證，會影響到人。