前天文台長捐一半退休金

【明報專訊】前天文台長李本瀅雖然已經退休，但為善最樂，佢接受《公務員通訊》訪問時，話自己已將一半退休金捐作慈善用途，協助有需要人士，「我不求物質財富，我覺得生命已為我們免費提供了最美好的東西」。


「不求物質財富」

李博士退休生活不愁寂寞，佢話自己生活簡單，有志趣相投嘅太太、一個房間、一個書架及一瓶佳釀就好開心。其實佢生活多姿多彩，除咗陪太太同埋湊孫，仲學西班牙文，又重新練習鋼琴，幫人哋伴奏。佢仲好鍾意聽古典音樂，會喺網誌評論音樂！


不過，李博士始終鍾情氣象，最愛看彩虹，中學時代已經探索彩虹點樣形成，家仲會繼續睇有關彩虹嘅書，佢話彩虹其實係一個好複雜嘅科學課題，真係要向佢請教。