夢熊去法庭恤髮？

【明報專訊】連番惹官非嘅前全國政協委員劉夢熊，噚日下晝突然現身東區裁判法院（圖），喺一宗雜項案件中應訊。Emily問佢嚟法庭嘅目的，dream bear就無厘頭話嚟恤髮。不過因為單案係內庭聆訊，唔可以公開內容，案中控辯雙方都對案件內容好口密。


劉夢熊曾經係東方明珠石油有限公司副主席兼執行董事，今年1月佢涉嫌喺一宗海外石油投資項目涉貪案被捕，唔知噚日上庭係咪同呢單嘢有關。案件審咗近兩個鐘，dream bear喺下午4點半離開，話要「趕住去錄影」，所以Emily同啲行家問乜嘢佢都唔答，之後佢又突然話「趕住去亞視」，跳上私家車就走咗。