無綫記者潘蔚林南非遇劫

【明報專訊】喺南非出差嘅無綫電視記者潘蔚林，噚日喺facebook話佢自己和同事被打劫，「一邊逃跑， 我的拍檔熙不斷回望，擔心後有追兵，我們似乎把路上所有黑人都看成同黨，直至走進一間高級酒店大堂，開始點算損失，銀包、護照、美金，竟仍放在該放的口袋，只有兩部手機、iPod、手表等不見了。頸被架住後，眼睛是看不清楚的，就像第一身射擊遊戲，中槍後瀕死的畫面」。


頸被架住 眼看不清

唔少潘蔚林嘅同事、朋友見到留言都好擔心，不過Emily聽聞潘蔚林已同公司報平安，大家可以放心喇。


銀包護照保不失

潘蔚林喺facebook講，自己喺南非三天，曾經喺數個不同地點做直播，都係安全，點知噚日遇劫，佢話自己多次哀求﹕「I will give you all my money（我會畀晒啲錢你）」，但手無聽大腦指揮，本能地保護褲頭和腰中每一個口袋，最終銀包、護照仍喺度。錢財身外物，希望潘蔚林和同事平安。