政府活動 一App盡覽

【明報專訊】繼推出「香港政府通知你」呢個手機流動應用程式（App）後，政府噚日又有新猷——「消閒一站通」。財爺曾俊華噚日喺數碼港主持「香港移動體驗中心」開幕禮時，正式啟動「消閒一站通」呢個App。佢話家個個香港人都一機在手，逾六成人用緊智能手機，希望新App令市民更容易知道政府舉辦各類活動嘅資訊，第時邊度有嘉年華、節目慶典同藝術展覽都一目了然。


「消閒一站通」初時包含由民政總署、康文署、房屋署、天文台同旅發局嘅活動詳情，遲啲會逐步涵蓋埋其他政府部門同公共機構。