「匡匡bb」被通緝

【明報專訊】民間電台被指非法廣播，電台嘅其中3個經營者包括台長曾健成（阿牛），噚日去咗東區裁判法院應訊。佢哋個個都喺庭上慷慨陳辭，力數政府就大氣電波嘅發牌政策違反人權。不過，數嚟數去，唯獨唔見被告之一嘅楊匡，於是裁判官向佢發出拘捕令，不過，准佢返嚟之後以3000蚊保釋，案件押後到5月6日。


阿牛會做尋人廣播

庭外一眾到場聲援嘅朋友都話唔知楊匡去咗邊，阿牛喺庭外呼籲Emily同埋一眾行家，幫手搵吓有無楊匡嘅消息，費事到時佢畀差人拉，「阿牛」仲話會喺民間電台嘅節目做尋人廣播喎。