音效App睇ICC燈光動畫

【明報專訊】嚟緊香港除咗有「幻彩詠香江」外，西九環球貿易廣場（ICC）將會有「聲光耀維港」嘅show，活動今晚啟動，之後每逢晚上7點45分同9點鐘，ICC外牆會有音樂燈光動畫上演，歷時約3分鐘。大會表示，動畫會定期更新，令大家有新鮮感，有興趣嘅市民可以選擇喺對岸IFC（國金中心）嘅3樓或4樓公眾平台睇show，嗰度已安裝咗音響，可以一邊睇動畫，一邊聽音樂，否則就要預先下載手機應用程式「ICC聲光耀維港」App，該程式有實時音效播放功能，能夠喺匯演開始前自動同步香港時間，啟動自動倒數及播放音樂。圖為平日ICC外牆LED顯示嘅圖案同字，今晚睇到嘅將會係燈光動畫。