佔中打亂朱牧殯儀大計

【明報專訊】一場「佔領中環」運動，港大學者戴耀廷要日日接受訪問，中大學者陳健民就話願賠上10年事業，至於朱耀明牧師，原來喺決定加入「佔中」前，係想搞殯儀！

華叔係首個「顧客」

朱牧同Emily講，上年本來疊埋心水，諗住同告別立法會嘅民主黨張文光全心搞好長者善終服務，令佢哋一生有個「完美句號」，但中途殺出佔中，唯有將呢個project變成副業。


心水清嘅朋友應該記得，已故支聯會前主席司徒華嘅靈車印有「完美句號」4個字，冇錯，華叔就係第一個「顧客」。


望貧苦長者有完美告別禮

朱牧話，佢一直都想搞老人善終服務，為過咗身、無親無故亦冇太多資產嘅長者舉行安息禮拜同安排火化，等佢哋有個完美嘅告別禮。佢話，張文上年預備退休時，同佢講過，話搞咗咁多年民主，都想做多啲民生工作，所以兩人相約一齊搞好「完美句號」，但家面對佔中，都迫不得已要讓路。


講開佔中，佔中三子將會喺嚟緊嘅星期日開記者會，交代進一步行動。