舌戰滬女 港男敗走

【明報專訊】噚日網上有一條兩分鐘長嘅短片瘋傳，片中一個戴眼鏡、孭背囊嘅男人，同一個自稱係上海人嘅女士喺港鐵鬧交，兩人以流利粗口對戰，港男除咗粗口外，更向上海女士大鬧「你哋中國人貪污呀」。點知上海女士回敬話「你哋唔貪污呀？曾蔭權都貪污啦！」


女：曾蔭權都貪污啦

呢條短片一開始，兩人就大鬧，Emily唔知佢哋因乜事嘈，但兩人都好激動，港男先講粗口問候女士家人，點知女士不甘示弱，向港男「挑機」，叫人「除褲啦」，又話「你香港無我哋就死喇」，仲鬧港男淨係識講粗口。


呢個上海烈女連珠發炮咁鬧番個港男，仲話「香港無你呢啲垃圾一早發咗達喇」，港男就反擊「使×靠你哋啲大陸人呀」、「你哋中國人貪污呀」。點知上海女士回話「你哋唔貪污呀，曾蔭權都貪污啦！」最終港男「敗走」落車，但上海女士仍唔停口，追到出門口繼續鬧。