黃永搞社企媒體

【明報專訊】前商台策劃總監黃永上年6月離任，最近蒲頭，宣布以社企形式成立另類媒體「言論自由行」。佢話呢個社企同主流媒體唔同，佢哋主要「追新聞尾」，做吓關於民生專題，希望可以喺做新聞之餘，幫社會問題搵到答案喎。


至於點解叫做「言論自由行」，原來係因為佢哋係「一車走天涯」，可以隨時泊車同人做訪問，再即時以4G技術做網上直播，唔使局限喺錄音室。黃永舉例，之前佢哋試過泊喺北區，即場搵九巴發言人同區議員傾巴士路線重組問題，又試過去學校訪問老師對公開試嘅睇法。


呢個項目賺唔賺到錢就有待觀察，但黃永自爆已投資咗6位數字。佢又重申，從來冇主動應徵要做梁振英政府嘅副局長，只係有人邀請佢，又話離開商台純粹個人決定，唔係好似傳聞所講同商台主持李慧玲唔夾喎。