澳絕世筍工兩港青入圍

【明報專訊】澳洲旅遊局搞嘅「全球最筍工」活動，全球收到超過30萬個申請，近日已為6個職位各選出最後25強，每人都拍咗短片放上網，爭取評判支持。應徵者中原來有兩個港人過五關斬六將入圍，競爭做內陸冒險家嘅係Raven，佢喺短片話自己平時最愛野外生活，遠足行山難唔到佢，又表演「水上飄」吸引評審目光。


至於Chris就應徵國家公園巡護員，佢喺短片度「show quali」，話自己去過非洲3個月，又學過潛水，讀書時寫過關於自然生態嘅論文，有能力勝任工作。大會下月15號公布結果，勝出者可以工作半年、薪酬連生活費達10萬澳元（約80萬港元），不妨去https://bestjobs.australia.com，支持佢哋！