今夏到濕地公園認蝶影蝶

【明報專訊】身處石屎森林嘅香港人，喺市區已經比較難見到蝴蝶，要睇可以去濕地公園。至今已經錄得157種蝴蝶嘅濕地公園，喺4月至10月舉辦「濕地蝶影」專題展覽，同大家介紹吓蝴蝶品種、身體結構、生命周期等。濕地公園經理（教育及社區服務）鄭翠如話，唔少蝴蝶為咗保護自己，都會發揮獨特本能，好似金斑蛺蝶就識扮成有毒嘅金斑蝶，驟眼睇兩隻蝴蝶係一模一樣。原來金斑蝶有一種警戒性嘅鮮艷顏色，令佢嘅天敵，即係雀鳥，知道佢有毒而唔會捕食佢！


設導覽團講座 專家教拍攝

除咗展覽外，公園亦安排導覽團，等參加者認識香港常見蝴蝶品種，仲會有以蝴蝶為主題嘅相片收集活動、遊戲小組同布袋製作班