新聞處前高層加盟無綫

【明報專訊】雖然政府未發新嘅免費電視牌照，無綫一邊入稟法庭據理力爭力抗發牌，另邊廂都請猛人助陣備戰，最近無綫就請咗人稱SY、曾係政府新聞處助理處長嘅譚錫揚做集團總經理助理，幫輕一下總經理李寶安嘅行政工作，當然包括為免費電視牌照大戰出謀獻策啦。


譚錫揚曾任助理處長

SY喺新聞處做咗41年，見過唔少大場面，佢喺2010年退休，家過足「冷河」後去無綫報到。無綫發言人曾醒明話，憑SY喺政府新聞處嘅豐富人脈，對無綫日後對外形象有積極作用，亦有助加強公關形象咁話。