影帝孖咇現身石籬

【明報專訊】家做區議員真係唔簡單，好似石籬區議員林紹輝，噚日收到幾個電話，有街坊話聽到槍聲，亦有人留意到附近多咗警車。


街坊好興奮

究竟發生乜事？唔使驚，原來係拍戲啫。林紹輝前日已留意有人喺石籬邨第11座天台拍戲，佢打去問，知道佢哋呢3日都會喺度，所以噚日有街坊話聽到槍聲時 ，林紹輝就知道乜事。


從林紹輝share街坊喺高位影到嘅相睇，今次拍戲嘅有影帝張家輝同劉青雲。雖然有啲較執著嘅街坊，叫林紹輝唔准人哋拍戲，話驚人哋影埋自己間屋，但係其實大部分街坊都好興奮，因為有明星嚟自己條邨。


林紹輝話，石籬邨算係老邨，係中轉屋可能人少啲，所以唔少人鍾意嚟呢度拍戲。佢話之前見過劉德華同鄭秀文喺度拍戲，唔通係拍《盲探》？